Մոսկվան կողմ է Թուրքիայի ու Սիրիայի սահմանը փակելուն. Լավրով
Մոսկվան հավանության է տալիս թուրք-սիրիական սահմանը փակելու գաղափարին, հայտարարել է ՌԴ ԱԳՆ ղեկավար Սերգեյ Լավրովը, հայտնում է RIA Novosti-ն:
«Կարծում եմ՝ դա ճիշտ առաջարկություն է: Կարծում եմ՝ վաղը նախագահ Օլանդը մեզ մանրամասն այդ մասին կասի: Մենք պատրաստ կլինենք լրջորեն քննարկել դրա համար անհրաժեշտ բոլոր միջոցառումները: Շատերն են ասում, որ փակելով այդ սահմանը, մենք, փաստացի, կդադարեցնենք Սիրիայում ահաբեկչական սպառնալիքը»,- ասել է Լավրովը:
Ինչպես նշվում է, ավելի վաղ թուրք-սիրիական սահմանը փակելու առաջարկով հանդես էր եկել Ֆրանսիայի նախագահ Ֆրանսուա Օլանդը:
