Ուկրաինան հրաժարվել է ռուսական գազից
Ուկրաինայի վարչապետ Արսենի Յացենյուկը հանձնարարել է պետական «Նաֆտոգազ» ընկերությանը դադարեցնել գազի գնումը Ռուսաստանից, հայտնում է «112.Ուկրաինա» հեռուստաալիքը:
«Կառավարությունը նաև որոշում է կայացրել հանձնարարել «Նաֆտոգազին» կասեցնել ռուսական գազի գնումը, թե չէ նրանք շփոթել են, ոչ թե նրանք մեզ գազ չեն մատակարարում, այլ մենք նրանցից չենք գնում գազ»,- հայտարարել է ուկրաինացի նախարարը:
Ավելի վաղ ռուսական «Գազպրոմ» ընկերության ղեկավար Ալեքսեյ Միլլերը հայտարարել էր, որ Ռուսաստանը դադարեցնում է գազ մատակարարել Ուկրաինային:
