Ֆրանսիայի հյուսիսում ավարտվել է պատանդներին ազատ արձակելու օպերացիան
Ֆրանսիացի ոստիկաններն ավարտել են Ռուբայում պատանդներին ազատ արձակելու օպերացիան: Ինչպես հայտնում է Reuters-ը, հանցագործներից մեկը, ով հարձակվել է բանկի տնօրենի ընտանիքի վրա, սպանվել է:
Նախնական տեղեկությունների համաձայն՝ ևս մեկ հանցագործ ձերբակալվել է, երրորդ հարձակվողին հաջողվել է թաքնվել:
Հիշեցնենք, որ երեկ տեղեկություններ հաղորդվեցին այն մասին, որ Ֆրանսիայի հյուսիսում՝ Բելգիային սահմանակից քաղաքում, անհայտ անձինք ներխուժել են տներից մեկը՝ գողության նպատակով:
Ընտանիքը չարագործներին դիմադրություն չի ցուցաբերել: Այս մասին հայտնել են քաղաքի օպերատիվ ծառայությունները:
Իշխանությունները տեղի ունեցածը որպես ահաբեկչություն չեն դիտարկում:
