American Airlines-ի ինքնաթիռը վթարային վայրէջք է կատարել
Ամերիկյան American Airlines ավիաընկերության ինքնաթիռը, որում գտնվել է 174 ուղևոր, վթարային վայրէջք է կատարել Դոմինիկանայի «Սանտո-Դոմինգո» օդանավակայանում: Այս մասին հայտնում է Prensa Latina-ն:
Պարբերականի տեղեկություններով՝ ինքնաթիռը դուրս էր եկել Հյուսիսային Կարոլինա նահանգի Շառլոտտա քաղաքից ու ուղևորվում էր դեպի Կարիբյան ծովի հարավում գտնվող Արուբա պետություն:
Ինքնաթիռի շարժիչներից մեկում առաջացած խնդիրների պատճառով անձնակազմը որոշում է կայացրել վթարային վայրէջք կատարել:
Ուղևորներից ոչ ոք չի տուժել վայրէջքի ժամանակ:
