Երեւանի փոխոստիկանապետը արտագաղթել է Հայաստանից. ՀԺ
«Հայկական Ժամանակ» թերթը գրում է. «ՀՀ ոստիկանության Երեւան քաղաքի վարչության պետի օպերգծով այլեւս նախկին տեղակալ Արթուր Մեհրաբյանը արտագաղթել է Հայաստանից: «ՀԺ»-ին հայտնի դարձավ, որ նա գրին քարտ է շահել եւ օրերս մեկնել է Ամերկայի Միացյալ Նահանգներ:
Մեհրաբյանին ՀՀ ոստիկանապետ Վլադիմիր Գասպարյանը զբաղեցրած պաշտոնից սեփական դիմումի համաձայն ազատել էր ընդամենը 2 շաբաթ առաջ՝ նոյեմբերի 3-ին եւ ուղարկել էր կադրերի ռեզերվ: Կադրային սույն փոփոխությունը անհասկանալի էր մնում, քանի որ Մեհրաբյանը համարվել է իշխանությունների լավագույն ծառաներից մեկը:
Փաստորեն, անգամ Արթուր Մեհրաբյանին դուր չի եկել իր եւ իր նմանների ապականած Հայաստանը»:
Ամբողջությամբ կարող եք կարդալ «Հայկական Ժամանակ» թերթի այսօրվա համարում:
