Մալիում ահաբեկիչները պատանդ են վերցրել 170 մարդու. նախնական տեղեկություններով՝ կա 9 զոհ
Մալիի մայրաքաղաք Բամակոյում անհայտ անձինք կրակ են բացել Radisson Blu հյուրանոցում: Նրանք պատանդ են վերցրել հյուրանոցում գտնվող շուրջ 170 մարդու, որոնցից 30-ը հյուրանոցի աշխատակիցներն են: Ահաբեկիչները, պարզվում է՝ գիշերել են հյուրանոցում, իսկ առավոտյան նրանց են միացել ևս երկուսը, որոնք հյուրանոցին մոտեցել են դիվանագիտական մեքենայով: Այս մասին, Lifenews-ի փոխանցմամբ՝ գրում է տեղական մամուլը:
Վերջին տվյալներով, հյուրանոցում գտնվում է 10 ահաբեկիչ: Հայտնի է նաև, որ կա 9 զոհ և մեկ տասնյակից ավելի վիրավորներ: RTL ռադիոկայանի հաղորդմամբ՝ դեպքի վայր է ժամանում Ֆրանսիայի ոստիկանությունը:
