Ֆրանսիան ավիահարվածներ է հասցրել ԻՊ-ի դիրքերին Սիրիայում
Վերացվել է ահաբեկչական կազմակերպության հրամանատարական կետը: Սիրիայի Ռաքա քաղաքի վրա տեղի ունեցած ավիահարձակմանը մասնակցել են 10 զինվորական ինքնաթիռ:
Ինչպես հաղորդում է BBC-ն, ջիհադիստների հրամանատարական կետի մոտ հարվածները հասցվել են ահաբեկչական կազմակերպության զինանոցին ու պահուստային զինուժին, ինչպես նաև՝ «Իսլամական պետության»(ԻՊ) ուսումնական ճամբարին: Ավիահարձակման ժամանակ նետվել է 20 ռումբ:
Ավելի վաղ Ֆրանսիայի վարչապետ Մանուել Վալսը ասել էր, որ Փարիզի «Բատակլան» համերգասրահի վրա տեղի ունեցած հարձակումից հետո էլ երկրի ավիացիոն ուժերը շարունակելու են ռմբակոծել ԻՊ դիրքերը Սիրիայում: Ըստ ֆրանսիական մամուլի՝ Փարիզը մի քանի օրվա ընթացքում կարող է ԻՊ դիրքերի հարվածների հաճախականությունը մեծացնել:
