Շոկային շարք շվեդ լուսանկարչի կողմից. Գվատեմալայի հղի երեխաները
Հեղինակավոր The Daily Mail-ը հրապարակել է շվեդ լուսանկարիչ Լինդա Ֆորսելլի սարսափելի լուսանկարչական շարքը, որտեղ լուսանկարիչը պատկերել է Գվատեմալայի հղի ու մայրացած երեխաների առօրյան:
Լուսանկարչական կադրերում աղջնակներ են, ովքեր մայր են դարձել դեռահասության տարիներին:
Լուսանկարիչը ցանկացել է փոխանցել այն էմոցիոնալ ու ֆիզիկական վիճակը, որում հայտնվել են երեխաները՝ հղիանալով:
Պարբերականը գրում է, որ Գվատեմալան աշխարհում միակ շրջանն է, որտեղ դեռահասների շրջանում հղիությունը զգալի ավելանում է, չնայած հասարակության կողմից դատապարտմանը:
Այդ երկրում ծննդաբերող ամեն չորրորդ կինը մինչև 15 տարեկան երեխա է:
Ընդ որում՝ այդ հղիությունների պատճառ դառնալու գրեթե 90 տոկոսը բաժին է ընկնում արյունակից ազգականներին՝ հորեղբայրներին, եղբայրներին կամ հայրերին:
