Բաղդադում պայթյուն է տեղի ունեցել. կան տասնյակ զոհեր
Բաղդադում հզոր պայթյուն է տեղի ունեցել, ինչի հետևանքով զոհվել է նվազագույնը 18 մարդ, 40-ն ստացել են վնասվածքներ, հայտնում է Reuters-ը՝ հղում կատարելով տեղի ոստիկանությունում աղբյուրին:
Գործակալության տեղեկություններով՝ պայթյունի հեղինակը մահապարտ ահաբեկիչն է: Դեպքը տեղի է ունեցել Բաղդադի հարավ-արևմուտքում կառավարամետ զինյալներից մեկի հուղարկավորության ժամանակ:
Այս պահի դրությամբ ոչ մի ահաբեկչական խմբավորում չի ստանձնել պայթյունի պատասխանատվությունը:
