«Եթե Դեպայը շարունակի աշխատել, ապա նրա մոտ ամեն ինչ լավ կլինի». Արիեն Ռոբեն
Հոլանդիայի հավաքականի կիսապաշտպան Արիեն Ռոբենը հայտարարել է, որ կաջակցի «Մանչեսթեր Յունայթեդի» հարձակվող Մեմֆիս Դեպային:
«Իհարկե, ես նրան ինչ-որ բան կհուշեմ: Մենք աշխատում ենք օգնել բոլոր ֆուտբոլիստներին, որպեսզի հավաքականն առաջընթաց ապրի:
Մեմֆիսը տաղանդավոր տղա է, բայց նա հիմա դժվարին կացության մեջ է հայտնվել: Նա պետք է այդ ամենը հաղթահարի և ցույց տա իր ուժեղ որակները: Դա կարևոր է ֆուտբոլիստի զարգացման համար:
Միշտ չէ, որ ամեն ինչ լինում է այնպես, ինչպես ուզում ես. լինում են նաև բարդ ժամանակներ: Եթե Դեպայը շարունակի աշխատել, ես վստահ եմ, որ նրա մոտ ամեն ինչ լավ կլինի»,- ասել է Ռոբենը:
Պատրաստեց Անի Գաբուզյանը
