Չեխիան քրդերին զենք կմատակարարի ԴԱԻՇ-ի դեմ պայքարելու համար
Չեխիան քրդերին 6 հազար ինքնաձիգ ու փամփուշտներ կմատակարարի ԴԱԻՇ-ի դեմ պայքարելու համար: Այդ մասին հայտարարել է Չեխիայի պաշտպանության նախարար Մարտին Ստրոպնիցկին, տեղեկացնում է TASS-ը:
«Մոտավորապես 6 հազար ինքնաձիգ կարող ենք ուղարկել քրդերին մի քանի ամսվա ընթացքում»,- հավելել է նա:
Ստրոպնիցկին հայտարարել է, որ «հանրապետությունը եկող շաբաթ ԴԱԻՇ-ի դեմ պայքարող մարտիկներին կուղարկի 5 հազար նռնակ ու 10 մլն փամփուշտ»:
Քրդերի համար նախատեսված զենքի տեղափոխումը կիրականացվի ամերիկյան ու բրիտանական ինքնաթիռների միջոցով:
Ստրոպնիցկին, սակայն, չի նշել, թե որ երկրի մասին է խոսքը՝ Սիրիայի՞, թե՞ Իրաքի:
