Ադրբեջանը սահմանի մոտ ռազմաօդային ուժերի տակտիկական զորավարժություններ է անցկացրել

Ադրբեջանի Զինված ուժերին պատկանող ռազմական ուղղաթիռները սահմանամերձ գոտում Ադրբեջանի պաշտպանության նախարար Զաքիր Հասանովի ու փոխվարչապետ Յաղուբ Էյուբովի մասնակցությամբ տակտիկական զորավարժություններ են անցկացրել, հայտնում է Contact.az-ը՝ վկայակոչելով Ադրբեջանի պաշտպանության նախարարությանը:

Զորավարժությունների ընթացքում օդաչուներին հանձնարարվել է հայտնաբերել ու խոցել հակառակորդի պայմանական օբյեկտները, զրահատեխնիկան ու այլ թիրախներ։
Իրականացվել են նաև հրթիռների մարտական կրակոցներ ցամաքային թիրախների ոչնչացման նպատակով: