Ուկրաինայում ռազմական ինքնաթիռ է կործանվել
Պլանային թռիչքի իրականացման ժամանակ կործանվել է Ուկրաինայի ԶՈւ-ին պատկանող «Սու-25» ինքնաթիռը, ինչի հետևանքով 1992թ. ծնված օդաչուն զոհվել է, հայտնում է korrespondent.net-ը՝ հղում կատարելով երկրի պաշտպանության նախարարությանը:
Նշվում է, որ դեպքը տեղի է ունեցել այսօր առավոտյան պլանային ուսումնական թռիչքի իրականացման ժամանակ Զապորոժիեից 40 կմ հյուսիս ընկած տարածքում:
Սոցցանցում օգտատերերի տեղեկությունների համաձայն՝ ինքնաթիռն ընկել է Զապորոժիեի ու Դնեպրոպետրովսկի մարզերի միջև գտնվող Տերնովկա գյուղի մոտ:
Դեպքի վայրը շրջապատված է: Օգտատերերը հայտնում են, որ ինքնաթիռը մասնատված է:
