Սլովենիան սկսում է արգելապատնեշ կառուցել Խորվաթիայի հետ սահմանին
Սլովենիայի իշխանությունները պատրաստվում են արգելապատնեշ կառուցել Խորվաթիայի հետ սահմանին: Նոյեմբերի 11-ին մի քանի բեռնատար մետաղալարերի ցանց է տեղափոխել սահմանամերձ Վելիկի Օբրեժ բնակելի կետի մոտ, հայտնում է Reuters-ի լուսանկարիչը:
Լուսանկարչի խոսքով՝ գյուղում գտնվում են մեծաթիվ զինվորականներ ու ոստիկաններ, որոնք հայտնել են, որ արգելապատնեշի շինարարությունը սկսվելու է մի քանի ժամվա ընթացքում:
Նախօրեին Սլովենիայի վարչապետ Միրո Ցերարը հայտարարել էր Խորվաթիայի հետ սահմանին արգելապատնեշ կառուցելու մտադրության մասին, որը պետք է երկիրը պաշտպանի ներգաղթյալներից: Դրա հետ միասին, նա ընդգծել էր, որ սահմանը բաց է մնալու: Արգելապատնեշի շինարարության ժամկետների մասին նա տեղեկություններ չէր հայտնել: