Մարկ Ցուկերբերգը հրապարակել է հղի կնոջ լուսանկարը
Facebook-ի հիմնադիր Մարկ Ցուկերբերգը սոցցանցի իր էջում տեղադրել է հղի կնոջ՝ Պրիսցիլլա Չանի լուսանկարը: Լուսանկարում, որի հեղինակն Էննի Լեյբովիցն է, Ցուկերբերգը քնքշորեն գրկել է կնոջ փորը:
«Սա Պրիսցիլլայի հիանալի լուսանկարն է»,- գրել է Ցուկերբերգը՝ հավելելով, թե շատ է սիրում կնոջ դեմքի այդ արտահայտությունը, որը լի է «ջերմությամբ ու սիրո ուժով»:
Լեյբովիցի լուսանկարը ֆոտոսեսիայի մի մասն է, որը հայտնի լուսանկարիչը հեղինակել է անցած ամիս Չանի ու Ցուկերբերգի մասնակցությամբ:
Հոկտեմբերին Մարկը սոցցանցի իր էջում տեղադրել էր նաև գործընկերների ու Պրիսցիլլայի լուսանկարը՝ հայտնելով, թե ավելի ուշ տեղադրի անձնական լուսանկարներ:
Ամուսինները ծանոթացել են 2003 թվականին, ամուսնացել՝ 10 տարի անց:
Հուլիսին Ցուկերբերգը հայտնեց, թե շուտով հայր է դառնալու:
