Ավետիք Իշխանյանը նախընտրում է՝ Սերժ Սարգսյանը դրժի իր խոստումը և վարչապետ դառնա
Եթե սահմանադրական բարեփոխումների նախագիծն անցնի, իրավապաշտպան Ավետիք Իշխանյանը նախընտրում է, որ Սերժ Սարգսյանը դրժի իր խոստումը և վարչապետ դառնա, եթե ՀՀԿ-ն անցնի խորհրդարանական ընտրությունների ժամանակ:
Այսօր «Կառավարման և ընտրական համակարգերը ՀՀ Սահմանադրության փոփոխությունների նախագծում» խորագրով քննրակման ժամանակ Ավ. Իշխանյանն ասաց, որ, եթե որևէ կուսակցություն իշխում է, ապա հենց կուսակցության ղեկավարը պետք է լինի վարչապետ՝ ինչպես ընդունված է խորհրդարանական երկրներում: Ըստ նրա՝ հակառակ դեպքում՝ կառաջանա ստվերային իշխանություն:
ՀՀ Կառավարության աշխատակազմի ղեկավար-նախարար, ՀՀ նախագահին կից Սահմանադրական բարեփոխումների հանձնաժողովի անդամ Դավիթ Հարությունյանն էլ իր հերթին՝ նշեց, որ իրականում վարչապետ դառնում են խորհրդարանում մեծամասնություն ներկայացնող կուսակցության լիդերները: Նա դժվարացավ, սակայն, ասել, թե ինչպիսին կլինեն զարգացումները:
