Մերձբալթիկան Ռուսաստանից փոխհատուցում է պահանջում խորհրդային օկուպացիայի համար

Բալթյան երկրների արդարադատության նախարարները ստորագրել են համագործակցության մասին հուշագիր, որտեղ մտադրություն են հայտնել ԽՍՀՄ-ի իրավահաջորդ Ռուսաստանից պահանջել փոխհատուցել խորհրդային օկուպացիայից ստացած վնասը:

Այս մասին հայտնում է Interfax-ը՝ հղում կատարելով Էստոնիայի արդարադատության նախարար Ուրմաս Ռեյնսալուին:

Նախարարները պայմանավորվել են մշակել հասցված վնասի գնահատման մեթոդիկա, համապատասխան պահանջներ ձևավորել Ռուսաստանի հանդեպ ու ձեռնարկել անհրաժեշտ իրավական քայլեր:

Նրանք դիտարկում են նաև խորհրդային օկուպացիայից տուժած մասնավոր անձանց կողմից կոլեկտիվ հայցերի ներկայացման հնարավորությունը: