Ռուս մասնագետները ստուգում են Շարմ-էլ-Շեյխի օդանավակայանը
«Ռոսավիացիան» ուսումնասիրում է ռուսական «Կոգալիմավիա» ընկերության А321 ինքնաթիռի կործանման բոլոր հանգամանքները:
Գերատեսչության ղեկավար Ալեքսանդր Ներադկոն LifeNews-ին հայտարարել է, որ ռուս մասնագետներն ուսումնասիրում են եգիպտական Շարմ-էլ-Շեյխ քաղաքի օդանավակայանը, որտեղից դուրս է եկել աղետի ենթարկված ինքնաթիռը:
Նա նաև նշել է, «սև արկղերից» մեկը վերծանվել է, երկրորդը վնասվածքներ ունի, սակայն դա չի խանգարի ստանալ դրանից թռիչքի մասին տեղեկություններ:
Բացի այդ՝ փորձագետնեչը մտադիր են հավաքել ինքնաթիռի բոլոր բեկորներն ու անալիզի ենթարկել՝ հասկանալու համար, թե ինչպես է ընկնելիս ավերվել ինքնաթիռը:
