«Ռեալը» մտադրվել է ձեռք բերել Էդեն Ազարին
«Չելսիի» կիսապաշտպան Էդեն Ազարը հայտնվել է «Ռեալի» հետաքրքրությունների շրջանակում:
The Times-ը հաղորդում է, որ 24-ամյա բելգիացու տեղափոխման նախաձեռնող է հանդիսանում մադրիդյան ակումբի նախագահ Ֆլորենտինո Պերեսը:
Թերթի տվյալներով, եթե Ազարը դառնա «Ռեալի» խաղացող, ապա Պերեսը կարող է վաճառել կամ հարձակվող Կրիշտիանու Ռոնալդուին, կամ վինգեր Գարեթ Բեյլին, որոնց նկատմամբ հավակնություններ ունեն, համապատասխանաբար, «ՊՍԺ»-ն և «Մանչեսթեր Յունայթեդը»:
Հիշեցնենք, որ ըստ նախորդ մրցաշրջանի արդյունքների՝ Ազարը ճանաչվել է Պրոֆեսիոնալ ֆուտբոլային ասոցիացիայի և ֆուտբոլային լրագրողների ասոցիացիայի վարկածներով Անգլիայի Պրեմիեր լիգայի լավագույն ֆուտբոլիստ:
Պատրաստեց Անի Գաբուզյանը
