Կովսական-Կապան ավտոճանապարհին վթար է տեղի ունեցել
Սեպտեմբերի 27-ին, ժամը 09.28-ին տեղեկություն է ստացվել, որ Կովսական-Կապան ավտոճանապարհի 8-րդ կմ-ին տեղի է ունեցել ՃՏՊ. «Վազ 2104» մակնիշի ավտոմեքենան դուրս է եկել ճանապարհի երթևեկելի հատվածից և կողաշրջվել դեպի ձորը:
Դեպքի վայր է մեկնել մեկ մարտական հաշվարկ:
Պատահարի հետևանքով տուժել է 1973 թ. ծնված Մ. Կ-ը, ով տարբեր աստիճանի մարմնական վնասվածքներով տեղափոխվել է Կապանի բժշկական կենտրոն: Բժիշկները տուժածի առողջական վիճակը գնահատում են միջին ծանրության:
