Զլատան Իբրահիմովիչն այնպիսին է, ինչպիսին ես. նա ծերանում է. Բեռլուսկոնի
«Միլանի» նախագահը գոհ է, որ այս ամառ թիմ է վերադարձել Մարիո Բալոտելին, այլ ոչ թե շվեդ հարձակվողը:
«Իբրան ցանկանում էր տեղափոխվել «Միլան», բայց նրան բաց չթողեցին: Այնուամենայնիվ, մենք ձեռք բերեցինք Բալոտելիին, իսկ նա ավելի երիտասարդ է: Իբրան այնպիսին է, ինչպիսին ես. նա ծերանում է:
Բալոտելին «Պալերմոյի» հետ խաղում չէր սխալվում փոխանցումներ կատարելիս: Նա իսկապես փոխվել է, դարձել է ավելի լուրջ և մտածող: Նա կատարեց մի քանի լավ արագացումներ և փոխանցումներ, համագործակցում էր թիմակիցների հետ: Հուսով եմ, որ նա կշարունակի այդ ոգով»,- ասել է Բեռլուսկոնին «Միլանի» պաշտոնական կայքին:
4 տուրերից հետո «Միլանը» 6 միավորով զբաղեցնում է 10-րդ հորիզոնականը:
Պատրաստեց Անի Գաբուզյանը
