Թուրքիայի ափերի մոտ սիրացի ներգաղթյալների տեղափոխող մոտորանավակ է շրջվել. կան բազմաթիվ զոհեր
Սիրիացի նվազագույնը 13 փախստական, այդ թվում՝ 4 երեխա է խեղդվել այսօր Էգեյան ծովում մոտորանավակի շրջվելու հետևանքով, հայտնում է թուրքական Dogan գործակալությունը:
Մոտորանավակը, որը անօրինական կերպով ներգաղթյալներին տեղափոխում էր հունական Կոս կղզի, խորտակվել է Թուրքիայի հարավարևմտյան Մուղլա նահանգի Դատչա քաղաքի շրջանում:
Մարդկանց փրկելու նպատակով դեպքի վայր են մեկնել Թուրքիայի առափնյա պահպանության 5 մոտորանավակներ, հաջողվել է փրկել 205 մարդու կյանք:
Փրկարարական օպերացիան շարունակվում է:
