«Միջազգային բանակային խաղեր 2015» մրցույթում ռուսներն առաջին տեղն են զբաղեցրել
Tsayg.am-ը գրում է. Օգոստոսի 1-ից 15-ն Ռուսաստանում անցկացվել է «Միջազգային բանակային խաղեր-2015» մրցույթը, որին 14 երկրների շարքում մասնակցել են ՀՀ և ՌԴ ԶՈւ ստորաբաժանումները: Երկշաբաթյա վարժանքներին, որոնք անցկացվել են ՌԴ ՊՆ 10 կրակադաշտերում՝ ներգրավված են եղել նաև Ղազախստանի, Սերբիայի, Տաջիկստանի, Ռուսաստանի, Անգոլայի, Վենեսուլայի, Քուվեյթի, Ղրղզստանի, Չինաստանի, Մոնղոլիայի, Չինաստանի, Հնդկաստանի, Պակիստանի, Եգիպտոսի զինված ուժերի համապատասխան ստորաբաժանումները: «Միջազգային բանակային խաղեր-2015» մրցույթով առաջին անգամ միավորվել են այնպիսի խոշորագույն մրցումներ, ինչպիսիք են՝ “Տանկային բիաթլոնը”, “Ավիադարտսը” և մի քանի այլ մրցույթներ, որոնք մինչ այդ անցկացվել են առանձին-առանձին: “Միջազգային բանակային խաղեր-2015” մրցույթում առաջին մրցանակային տեղը զբաղեցրել է ՌԴ-ն:
