Թուրքիայում Ֆրանսիայի հյուպատոսը, հնարավոր է՝ նավակներ է վաճառել ներգաղթյալներին
Ֆրանսիայի արտգործնախարար Լորան Ֆաբիուսը ժամանակավորապես աշխատանքից ազատել է Թուրքիայում Ֆրանսիայի պատվո հյուպատոսին այն բանի պատճառով, որ նա կարող էր նավակներ վաճառել ներգաղթյալներին, հայտնում է AFP-ն:
«Նախարարը հենց նոր հրաման է արձակել նրան ժամանակավորապես աշխատանքից հեռացնելու մասին»,- գործակալությունը մեջբերել է Ֆրանսիայի արտգործնախարարության հաղորդագրությունը:
Հաղորդագրությունը հայտնվել է հեռուստատեսային ռեպորտաժի ցուցադրումից անմիջապես հետո, որտեղ ներկայացվում էր ենթադրաբար, պատվավոր հյուպատոսին պատկանող՝ լողալու համար անհրաժեշտ պարագաներով խանութը:
Ինչպես ցուցադրվել էր ռեպորտաժում, խանութի դրսի մասում կախված է եղել Ֆրանսիայի դրոշը: Ֆրանսիական ԶԼՄ-ների տեղեկություններով՝ ռեպորտաժը նկարահանվել է Թուրքիայի Բոդրում քաղաքում, որտեղից բազմաթիվ ներգաղթյալներ ուղևորվում են Հունաստան:
