Թուրքիայում արտակարգ դրություն չի սահմանվի. Թուրքիայի փոխվարչապետ
Թուրքիայում արտակարգ դրություն չի սահմանվի: Այս մասին, հղում կատարելով Թուրքիայի փոխվարչապետ Նուման Քուրթուլմուշին, հայտնում է TRT Haber-ը:
Նրա խոսքով՝ Թուրքիայում արտակարգ դրություն սահմանելը բխում է բացառապես մի շարք ահաբեկչական կազմակերպությունների հետաքրքրություններից:
Քուրթուլմուշի խոսքով՝ Թուրքիայի բոլոր քաղաքական կուսակցությունները պետք է ջանքեր գործադրեն երկրում ստեղծված վիճակը կարգավորելու համար:
Նախօրեին Թուրքիայի մի շարք ընդդիմադիր կուսակցությունները կոչ էին արել երկրի ժամանակավոր կառավարությունը երկրի հարավարևմտյան նահանգներում արտակարգ դրություն հայտարարել զինվորականների ու ոստիկանների վրա հաճախակի դարձած հարձակումների հետևանքով:
