Հռոմի պապը Կուբա կատարած այցի ժամանակ կհանդիպի Ֆիդել Կաստրոյի հետ
Հռոմի պապ Ֆրանցիսկոսը կհանդիպի Կուբայի հեղափոխության առաջնորդ Ֆիդել Կաստրոյի հետ Կուբա կատարած այցի ժամանակ, հայտնում է Vatican Insider պարբերականը:
Հաղորդվում է, որ հանդիպելու առաջարկն առաջ է քաշվել Վատիկանի կողմից ու հավանության է արժանացել Կուբայի իշխանությունների կողմից:
Հռոմի պապը Ազատության կղզի կժամանի սեպտեմբերի 19-ին: Այդ օրը ոչ մի պաշտոնական միջոցառումն պլանավորված չէ, բացի հանդիպման արարողակարգից, այդ պատճառով էլ Վատիկանում պարբերականի աղբյուրները ենթադրում են, որ Ֆիդել Կաստրոյի հետ հանդիպումը տեղի կունենա հենց այդ ժամանակ:
Հաջորդ օրը Հռոմի պապը պատարագ կմատուցի Հավանայի Հեղափոխության հրապարակում, ապա հանդիպելու է Կուբայի առաջնորդ Ռաուլ Կաստրոյի հետ:
Սեպտեմբերի 22-ին Հռոմի պապը կուղևորվի ԱՄՆ:
Ֆիդել Կաստրոն երկու անգամ՝1996 ու 1998 թվականներին հանդիպել է Հռոմի պապ Հովհաննես-Պողոս Երկրորդի հետ, իսկ 2012-ին՝ Բենեդիկտոս 16-րդի հետ:
