Ռուսաստանը բացահայտել է Ադրբեջանին սպառազինությունների մատակարարման դետալները
Ռուսական տեխնիկայի ու սպառազինությունների պատվերների օտարերկրյա պորտֆելը գերազանցում է 12 մլրդ դոլարը: Այս մասին Նիժնի Տագիլում բացվող Russia Arms Expo ցուցադրության ժամանակ հայտարարել է «Ռոսոբորոնէքսպորտ» ընկերության գլխավոր տնօրեն Իգոր Սևաստյանովը: Այս մասին հայտնում է TASS-ը:
Ռազմավարությունների ու տեխնոլոգիաների վերլուծության կենտրոնի տվյալով՝ Ռուսաստանն Ադրբեջանին կվաճառի Т-90С տանկեր, ԲՄՊ-3-եր:
Բացի այդ՝ Ադրբեջանը ձեռք է բերելու նաև ինքնաշարժ հրետանի եւ ծանր հրետանային համակարգեր:
Ռազմական տեխնիկայի, սպառազինությունների միջազգային Russia Arms Expo ցուցադրությունը բացվել է Նիժնի Տագիլում սեպտեմբերի 9-ին ու կտևի 3 օր:
