Վթաև՝ Բերդ-Նավուր ավտոճանապարհին
Սեպտեմբերի 9-ին, ժամը 09.36-ին ահազանգ է ստացվել, որ Բերդ-Նավուր ավտոճանապարհի մոտակայքում ավտոմեքենան դուրս է եկել ճանապարհի երթևեկելի հատվածից և սահել ձորակը. ավտոմեքենան դուրս բերելու համար անհրաժեշտ է փրկարարների օգնությունը:
Դեպքի վայր է մեկնել մեկ մարտական հաշվարկ:
Պարզվել է, որ Բերդ-Նավուր ավտոճանապարհի մոտ 5-րդ կմ-ում Վ. Ա.-ին պատկանող «ՈՒԱԶ» մակնիշի 30 LS 726 պետհամարանիշի ավտոմեքենան դուրս է եկել ավտոճանապարհի երթևեկելի հատվածից և սահել ձորակը (մոտ 2 մ). տուժածներ չկան:
Հրշեջ-փրկարարներն ավտոմեքենան դուրս են բերել ավտոճանապարհի երթևեկելի հատված:
