Քարաթափում Սյունիքի մարզում
Սեպտեմբերի 9-ին, ժամը 01.57-ին ահազանգ է ստացվել, որ Մեղրի-Քաջարան ավտոճանապարհի 2-րդ ոլորանում մոտակա սարից քարերը պոկվել և ընկել են ցած, ինչի հետևանքով ճանապարհը դարձել է դժվարանցանելի. անհրաժեշտ է օգնություն:
Դեպքի վայր է մեկնել մեկ մարտական հաշվարկ:
Պարզվել է, որ Մ-2 ավտոճանապարհի Քաջարան-Մեղրի հատվածում (11-րդ կմ) տեղի է ունեցել քարաթափում` մոտ 0,5 խմ:
Հրշեջ-փրկարարներն ավտոճանապարհը մաքրել են քարերից:
