«Մանչեսթեր Յունայթեդի» կողմից Բեյլի համար ոչ մի 100 միլիոնանոց առաջարկություն չի եղել. Ֆլորենտինո Պերես
«Ռեալի» նախագահ Ֆլորենտինո Պերեսը մեկնաբանել է լուրերն այն մասին, որ ակումբը կարող էր 100 մլն եվրոյով վաճառել վինգեր Գարեթ Բեյլին:
– Արդյո՞ք Բեյլի համար եղել է 100 մլն եվրոյի չափով առաջարկություն:
– Ոչ մի առաջարկություն չի եղել: Բայց մենք գիտենք, որ «Մանչեսթեր Յունայթեդը» հետաքրքրություն է ցուցաբերել Բեյլի, Բենզեմայի և Վարանի նկատմամբ:
– Հիմա ակտիվորեն քննարկում են դաշտում ֆուտբոլիստների դիրքերը. Բեյլը կենտրոնում է…
– Ես սիրում եմ, երբ աջլիկ ֆուտբոլիստը գործում է աջ թևում, իսկ ձախլիկը` ձախ թևում: Այո, ես հին դպրոցի կողմնակից եմ,- ասել է Պերեսը:
Պատրաստեց Անի Գաբուզյանը
