Բուդապեշտի կայարանում ներգաղթյալները կռվել են ոստիկանների հետ
Բուդապեշտի կայարանում բախումներ են տեղի ունեցել ոստիկանների ու ներգաղթյալների միջև, ովքեր բողոքում են Հունգարիայի որոշման դեմ, որը արգելում է իրենց նստել այն գնացքները, որով կարող էին տեղափոխվել Գերմանիա կամ այլ արևմտաեվրոպական երկրներ, որտեղ հույս ունեն ապաստան ստանալ:
Ոստիկանությունը կալանավորել է մի քանի երիտասարդ ներգաղթյալի, հայտնում է BBC-ի ռուսական ծառայությունը:
Հունգարական իշխանությունները իրենց գործողությունները բացատրում են պետական սահմանները պահպանելու իրենց պարտականության կատարմամբ:
Դուբլինի համաձայնագրով, որն ստորագրել են Եվրամիության երկրները, փախստականները պարտավոր են ապաստանի տրամադրման խնդրանքով դիմել ԵՄ-ի հենց առաջին երկրին, որտեղ հայտնվել են:
Հիշեցնենք, որ նախօրեին Փարիզից Լոնդոն ուղևորվող Eurostar գնացքների երթևեկությունը անցած գիշեր ներգաղթյալների պատճառով դադարեցվել էր: Այս ամառ օրական մի քանի հարյուրից մինչև մինչև մի քանի հազար մարդ է փորձել ֆրանսիական Կալեից տեղափոխվել Բրիտանիա:
