Հայտնի է՝ ով է սպասարկելու Սերբիա-Հայաստան հանդիպումը
Հայաստանի ֆուտբոլի ֆեդերացիայի պաշտոնական կայքը հայտնել է, թե ով է սպասարկելու սեպտեմբերի 4-ին Նովի Սադ քաղաքի «Կարաջորջե» մարզադաշտում կայանալիք Եվրոպայի 2016թ. Առաջնության ընտրական մրցաշարի Սերբիա-Հայաստան հանդիպումը:
Խաղը կսպասարկի չեխական մրցավարական անձնակազմը՝ Միրոսլավ Զելինկայի գլխավորությամբ:
Նրա օգնականները կլինեն Օնդրեյ Պելիկանը և Յան Պատակը: Չորրորդ պաշտոնյան է Իվո Նադվորնիկը, իսկ մրցավարի լրացուցիչ օգնականներն են Պետր Արդելեանուն և Յան Յիլեկը:
Սիրարփի Աղաբաբյան
