Նորվեգական Statoil-ը հեռանում է Ադրբեջանից. ընկերությունն աշխատանքից ազատում է իր վերջին աշխատակիցներին
Կապված այն բանի հետ, որ նորվեգական Statoil-ը դադարեցնում է իր գործունեությունը Ադրբեջանում, ընկերությունում կատարվում են կրճատումներ, հայտնում է APA-ն՝ հղում կատարելով ընկերությունում իր աղբյուրներին:
Աղբյուրի խոսքով՝ Statoil-ը ամբողջությամբ փակել է Բաքվի իր գրասենյակը՝ աշխատանքից ազատելով 30 մարդու:
Ներկայում ընկերությունում աշխատում է ընդամենը 12 հոգուց բաղկացած փոքր խումբ: Նրանք ղեկավար մարմինների ու ընկերության հաշվապահության աշխատակիցներ են:
Հիշեցնենք, որ Statoil-ն իր գործունեությունն սկսել էր Ադրբեջանում 1992-ին, նրան էր պատկանում ТАР-ի բաժնետոմսերի 20%-ը:
Ներկայում նորվեգական ընկերությունը բանակցություններ է վարում ТАР-ի իր մասնաբաժինը մալայզիական Petronas-ին վաճառելու վերաբերյալ:
