Լավրովը հույս ունի առաջընթաց գրանցել ԼՂ կոնֆլիկտի լուծման հարցում
Սեպտեմբերի 1-ին այցով Բաքու ժամանած Ռուսաստանի արտգործնախարար Սերգեյ Լավրովը բանակցություններ է վարել Ադրբեջանի նախագահ Իլհամ Ալիևի հետ: Այս մասին հայտնում է haqqin.az-ը:
Ալիևի հետ հանդիպմանը Լավրովն ասել է, թե առաջընթացի հույս ունի Լեռնային Ղարաբաղի կոնֆլիկտի հարցում:
«Գնահատում են ձեզ հետ հանդիպելու հնարավորությունը քննարկելու երկկողմ հարաբերությունները, տարածաշրջանում ստեղծված իրավիճակը ու ԼՂ կոնֆլիկտը: Այդ հարցը մենք ձեր, Հայաստանի ու Ռուսաստանի նախագահների ղեկավարությամբ, ինչպես նաև Մինսկի խմբի համանախագահ երկրների հետ փորձում ենք բերել ընդհանուր հայտարարի»,- ասել է Լավրովը:
«Հուսով եմ՝ առաջընթաց կգրանցվի»,- ընդգծել է Լավրովը:
