Արմեն Աշոտյանի վարորդը խնդիրներ է ունեցել գեներալ Մանվելի «մարդկանց» հետ. «Հրապարակ»
«Հրապարակ» թերթը գրում է. «Էջմիածին քաղաքում ամեն տեղ չէ, որ վարորդնեոը կարող են մեքենաները կայանել։ Հատկապես կենտրոնում, որտեղ կայանման իրավունք ունեն բացառապես գեներալ Մանվելի ու նրա թիկնազորի մեքենաները։ Սույն «կանոնակարգի» հեղինակը գեներալն է։ Նրա մարդիկ պատժում են այն խախտողներին։ Էջմիածնի երթևեկության այս չգրված «կանոնակարգին» ծանոթ են քաղաքի բոլոր վարորդներն ու անգամ նրանք, ովքեր հաճախ են լինում Էջմիածնում։ Բայց պատահում են նաև անտեղյակներ, որ ընկնում են պատմությունների մեջ։
Օրինակ, ԿԳ նախարարի վարորդը մի քանի օր առաջ շեֆին բերել-իջեցրել էր Մայր Աթոռում՝ ուսուցիչների օրհնության արարողությանը մասնակցելու համար, և մեքենան կայանել է Մայրավանքի դարպասի մոտ։ Կարճ ժամանակ անց հայտնված գեներալի մարդիկ նրան կարգադրել են արագ ազատել եկեղեցու մուտքն ու մեքենան տեղափոխել կանգառ կամ եկեղեցուն պատկանող վճարովի կայանատեղի։ Նախարարի վարորդը հլու-հնազանդ ենթարկվել է»։
Հրապարակումն ամբողջությամբ կարող եք կարդալ «Հրապարակ» թերթի այսօրվա համարում:
