4 հաղթանակ մեկնարկում. վատ չէ քայլող դիակի համար, այնպես չէ՞
«Մանչեսթեր Սիթիի» գլխավոր մարզիչը հայտարարել է, որ նախորդ մրցաշրջանից հետո իրեն թաղելը անժամանակ էր:
«Մրցաշրջանի մեկնա՞րկը: Վատ չէ քայլող դիակի համար: Մրցաշրջանից առաջ ես շփվել եմ գրեթե բոլոր ֆուտբոլիստների հետ և ես մտածում եմ, որ նրանք գոհ չեն մնացել իրենց խաղից և հասկանում են, որ կարող են շատ ավելի լավ գործել:
Շատ կարևոր էր մրցաշրջանը այլ կերպ սկսել և այլ վերաբերմունք ցույց տալ, հատկապես «Ուոտֆորդի» նման մրցակիցների նկատմամբ: Նախորդ մրցաշրջանում այդպիսի թիմերի հետ խաղերում մենք շատ միավորներ կորցրինք»,- ցիտում է Պելեգրինիին ESPN-ը:
«Մանչեսթեր Սիթին» գլխավորում է ԱՊԼ-ն` 4 խաղերում հավաքելով 12 միավոր:
Հաջորդ տուրում «Մանչեսթեր Սիթին» կհյուրընկալվի «Կրիստալ Պելեսին»:
Պատրաստեց Անի Գաբուզյանը
