ՀԲ-ն հերթական 500 մլն դոլար վարկը կտրամադրի Ուկրաինային
Համաշխարհային բանկը (ՀԲ) մտադիր է հերթական 500 մլն դոլար վարկը տրամադրել Ուկրաինային մինչև սեպտեմբերի 9-ը բարեփոխումների իրականացման ու կյանքի կոչման համար: Այս մասին պատմել է Ուկրաինայի վարչապետ Արսենի Յացենյուկը նախարարների կաբինետի նիստում, հայտնում է «112.Ուկրաինան»:
«Համաշխարհային բանկը երեկ որոշում է կայացրել Ուկրաինային հատկացնել 500 մլն դոլար տնտեսական բարեփոխումների անցկացման համար, ու մենք ակնկալում ենք այդ միջոցները ստանալ մինչև սեպտեմբերի 9-ը»,- հայտարարել է Յացենյուկը:
Նա նշել է, որ այդ գումարները թույլ կտան Ուկրաինային ստանալ հավելյալ ֆինանսական օգնություն Ճապոնիայից ու այլ միջազգային ֆինանսական կառույցներից:
