Ռուսական ավիաընկերությունները հայտնել են տոմսերի թանկացման մասին
Ռուսաստանում, կապված ռուբլու փոխարժեքի անկման հետ, թանկանում են ավիատոմսերը: Ինչպես հայտնում է TASS-ը, այդ մասին գործակալությանը հայտնել են ռուսական առաջատար ավիափոխադրողները:
Տոմսերի թանկացմանը նպաստում է այն, որ բոլոր միջազգային չվերթների սակագները սահմանվում են դոլարով կամ եվրոյով: Օդային տրանսպորտի միջազգային ասոցիացիայում կանխատեսում են թանկացում 7,5-11,6%-ով:
«Ավիաընկերությունների բոլոր միջազգային չվերթները IATA-ի բանաձևի հիման վրա սահմանվում են եվրոյով: Այդկերպ, եվրոյի փոխարժեքի բարձրացման դեպքում ռուբլով հաշվարկված ավիատոմսերի գինը ավտոմատ կերպով թանկանում է»,- հայտնել են S7 ընկերությունից:
Օդային տրանսպորտի միջազգային ասոցիացիայի փոխարժեքը հաշվարկվում է ամեն շաբաթ:
Այսօր ռուբլին երեկվա անկումից հետո փոքր-ինչ վերականգնել է դիրքերը:
