Վիլլիանը կարող է հեռանալ «Չելսիից»
«Չելսիի» հարձակվողական ոճի կիսապաշտպանը կարող է լքել «Սթեմֆորդ Բրիջը»:
Գերմանական TZ Online պարբերականը հաղորդում է, որ Վիլլիանի գործակալը Բրազիլիայի ազգային հավաքականի ֆուտբոլիստին առաջարկում է «Բավարիային» և «ՊՍԺ»-ին:
Շշուկները Վիլլիանի հեռանալու մասին տարածվեցին այն ժամանակ, երբ հայտնի դարձավ, որ Պեդրոն տեղափոխվել է «Չելսի»:
Տեղեկություն կա, որ «Բավարիան» ցանկանում է ուժեղացնել հարձակվողական գիծը` մինչև ամառային տրանսֆերային պատուհանի փակումը: Հավանականություն կա, որ մյունհենցիները կհետաքրքրվեն Վիլլիանով, ով առաջ հանդես էր գալիս «Շախտյորի» կազմում` Դուգլաս Կոստայի հետ:
Պատրաստեց Անի Գաբուզյանը
