Հունաստանում «Սիրիզայի» ուլտրաձախերը իրենց կուսակցությունն են ստեղծում
Հունաստանի իշխող «Սիրիզա» կուսակցության մի քանի ուլտրաձախ անդամներ մտադիր են հեռանալ ու ստեղծել անկախ կուսակցություն, որին կանդամակցի խորհրդարանի 25 պատգամավոր:
Հիշեցնենք, որ նախօրեին Հունաստանի վարչապետ Ալեքսիս Ցիպրասը նախարարների ու «Սիրիզայի» անդամների հետ հանդիպմանը ներկայացրել էր իր հրաժարականը ու հայտարարել արտահերթ ընտրությունների անցկացման մասին:
Հունական ԶԼՄ-ների տվյալով՝ «Ժողովրդական միասնություն» կոչվող կուսակցությունը կգլխավորի երկրի էներգետիկայի նախկին նախարար Պանայոտիս Լաֆազանին, ով ակտիվորեն դեմ էր հանդես գալիս վարկատուների հետ նոր համաձայնագրի կնքմանը:
Կուսակցությունը կդառնա մեծությամբ երրորդը Հունաստանի կառավարությունում, հայտնում է Associated Press-ը:
