ԴԱԻՇ-ի զինյալները գլխատել են Պալմիրայի պատմական համալիրի տնօրենին ու մարմինը կախել սյունաշարերից մեկից
ԴԱԻՇ-ի զինյալները գլխատել են Սիրիայի Պալմիրա քաղաքի հնագետին, հայտնում է լիբանանյան Daily Star թերթը:
Զինյալները 82-ամյա տարեց տղամարդուն գլխատել են ու մարմինը կախել քաղաքի պատմական համալիրի հրապարակի սյունաշարերից մեկից:
Մինչ այդ, ահաբեկիչները տղամարդում մեկ ամիս պատանդ էին պահում ու հարցաքննում:
Սիրիայի հնագիտության ու թանգարանների վարչության ղեկավար Մաամուն Աբդուլքարիմի խոսքով՝ Խալեդ Ասադը Պալմիրայի հուշարձանային համալիրը ղեկավարել է ավելի քան 50 տարի:
Նշենք, որ հնագույն Պալմիրայի ավերակները ՅՈՒՆԵՍԿՕ-ն ճանաչել է իր համաշխարհային ժառանգության մաս:
ԴԱԻՇ-ի ահաբեկիչները Պալմիրան գրավել էին այս մայիսին:
