Պուտինի այցը Ղրիմ մարտահրավեր է քաղաքակիրթ աշխարհին. Պորոշենկո
Ուկրաինայի նախագահ Պյոտոր Պորոշենկոն հայտարարել է, որ ՌԴ նախագահ Վլադիմիր Պուտինի այցը Ղրիմի թերակղզի մարտահրավեր է՝ ուղղված քաղաքակիրթ աշխարհին:
Այս մասին ասվում է Ուկրաինայի նախագահի հայտարարության մեջ, որը հրապարակվել է այսօր Պորոշենկոյի Facebook-յան էջում:
«Պուտինի ժամանումը ուկրաինական Ղրիմ՝ առանց ուկրաինական իշխանությունների հետ համաձայնեցնելու, մարտահրավեր է քաղաքակիրթ աշխարհի համար ու շարունակությունը այն իրավիճակի, որը իրացնում են ռուս զինվորականները ու նրանց վարձկանները Դոնբասում»,- գրել է Պորոշենկոն:
«Նման ուղևորությունները նշանակում են օկուպացված ուկրաինական թերակղզու հետագա ռազմականացում ու կհանգեցնի դրա առավել մեկուսացմանը: Միայն Ուկրաինայի կազմում Ղրիմն ունի ապագա, այդ թվում՝ զբոսաշրջային»,- հավելել է Պորոշենկոն:
Հաղորդվում է, որ ՌԴ նախագահ Վլադիմիր Պուտինը այսօր կայցելի Ղրիմ:
