Ջուլիան Ասանժի վրայից կհանվի մեղադրանքների մի մասը
WikiLeaks-ի հիմնադիր Ջուլիան Ասանժի վրայից մասնակի հանվել են սեքսուալ ոտնձգությունների մեղադրանքները, հայտնում է The Telegraph-ը:
Ինչպես հիշեցնում է պարբերականը, մոտ օրերս կլրանա նրա դեմ ուղղված 4 մեղադրանքներից 3-ի վաղեմության ժամկետը: Արդյունքում՝ ըստ շվեդական օրենքների (հենց այս երկրում է նրա դեմ սեռական ոտնձության մասին գործ հարուցվել), Ասանժի վրայից կհանվեն այդ մեղադրանքները:
Հիշեցնենք, որ Ավստրալիայի քաղաքացի Ասանժը արդեն 3 տարի է, ինչ գտնվում է Լոնդոնում Էկվադորի դեսպանությանը, որտեղ նրան քաղաքական ապաստան է տրամադրվել:
Բրիտանական իշխանությունները հրաժարվում են ազատել Ասանժին՝ դա բացատրելով նրանով, որ պետք է վերջինիս արտահանձնեն Շվեդիա:
WikiLeaks-ի հիմնադիրը մտավախություն ունի, որ Շվեդիան իրեն կալանավորելուց հետո կարտահանձնի ԱՄՆ-ին, որտեղ կդատապարտվի երկար ժամանակով կամ մահապատժի կենթարկվի լրտեսության մեղադրանքով:
