Թուրքիայում ԴԱԻՇ-ի տասնյակ գրոհայիններ են ձերբակալվել
Թուրքիայի արևմուտքում գտնվող Մանիսա նահանգում ձերբակալվել է ԴԱԻՇ-ի 17 զինյալ, հայտնում է Kanal7 հեռուստաալիքը:
Ձերբակալվածները մեղադրվում են նաև Թուրքիայի տարածքում ահաբեկչության քարոզչության մեջ: Ձերբակալվածները Թուրքիայի քաղաքացիներ են:
Հուլիսի 27-ին կալանավորվել էր ԴԱԻՇ-ի թուրքական թևի ղեկավար Խալիս Բայանջուկը, ով հայտնի է որպես Աբու Խանզալա:
Բայանջուկը ակտիվորեն մասնակցել է Սիրիա ու Իրաք ուղարկվելիք Թուրքիայի քաղաքացիների հավաքագրմանը:
Մինչ օրս Թուրքիայում հակաահաբեկչական գործողությունների շրջանակում ձերբակալվել է ավելի քան 1500 մարդ:
