Խոշոր վթար՝ Արմավիրի մարզում. կան վիրավորներ
Օգոստոսի 5-ին, ժամը 12.32-ին ահազանգ է ստացվել, որ Արմավիրի մարզի Քարակերտ-Արտենի ավտոճանապարհին տեղի է ունեցել ՃՏՊ, կան տուժածներ. անհրաժեշտ է փրկարարների օգնությունը:
Դեպքի վայր է մեկնել մեկ մարտական հաշվարկ:
Պարզվել է, որ բախվել են «ԶԻԼ» մակնիշի 32 UU 875 պ/հ (վարորդ Մ. Մ. ) և «Հյունդաի Սկոլարի» մակնիշի A264 УВ 134 պ/հ (վարորդ Ա. Մ.) ավտոմեքենաները:
Հրշեջ-փրկարարները «Հյունդաի Սկոլարի» մակնիշի ավտոմեքենայից դուրս են բերել և շտապօգնության ավտոմեքենային մոտեցրել վարորդ` 1978 թ. ծնված Ա. Մ.-ին, ուղևորներ` 1991 թ. ծնված Գ. Մ.-ին, 2006 թ. ծնված Գ. Մ.-ին, 1981 թ. ծնված Հ. Գ.-ին, 2001 թ. ծնված Ն. Մ.-ին և 2001 թ. ծնված Ա. Մ.-ին, ովքեր տեղափոխվել են Արմավիր քաղաքի ԲԿ:
Բժիշկները վարորդի առողջական վիճակը գնահատել են միջին ծանրության, իսկ ուղևորներինը` բավարար:
