Գագիկ Եգանյանը ՄԱԿ-ի փորձագետների կանխատեսումը կասկածի տակ է դնում
«Աշխարհի բնակչության հեռանկարներ-2015» ամենամյա զեկույցում ՄԱԿ-ի փորձագետները կանխատեսում են, որ 50 տարի հետո Հայաստանում բնակչությունը 1 միլիոնով կրճատվելու է: Հայաստանի Միգրացիոն պետական ծառայության պետ Գագիկ Եգանյանը 168.am-ի հետ զրույցում հայտարարեց, որ չի կարելի այդքան երկար ժամանակաշրջանի համար նման կանխատեսում անել:
«Իրենց մեթոդաբանությանը չեմ տիրապետում, բայց չեմ կարծում, որ խոր վերլուծությունների արդյունքում է եղել: Պետք է մեթոդաբանությունը հասկանալ, որ տեսնենք` ինչ թվերի մասին է խոսքը: Կարծում եմ, որ դա շատ մեծ խորը վերլուծությունների արդյունք չէ և ոչ մայն ՀՀ-ի համար: Հետո՝ 2100 թիվը հեռու է, 4-5 սերունդ առաջ ընկնելով նման գնահատական տալը ճիշտ չէ: Այդ ընթացքում այս անհանգիստ տարածաշրջանում այնքան խնդիրներ ու փոփոխություններ կարող են ի հայտ գալ»,- ասաց Գ.Եգանյանը՝ հավելելով, որ հայկական կողմը չունի համանման գնահատական կամ վերլուծություն:
