«ՊՍԺ»-ն հաղթեց «Լիոնին» և երրորդ անգամ անընդմեջ նվաճեց Ֆրանսիայի սուպերգավաթը
«ՊՍԺ»-ն հաղթեց «Լիոնին» Ֆրանսիայի սուպերգավաթի համար խաղում: Հանդիպումը տեղի էր ունենում Մոնրեալի «Սապուտո» մարզադաշտում և ավարտվեց 2:0 հաշվով: 11-րդ րոպեին Սերժ Օրիեն առաջ մղեց փարիզեցիներին: 6 րոպե անց Էդինսոն Կավանին կրկնապատկեց հաշիվը: Երկրորդ խաղակեսի միջնամասում Մաքսիմ Գանալսոնը կարմիր քարտ ստացավ և «Լիոնը» մնաց 10 հոգով:
«ՊՍԺ»-ն պատմության մեջ հինգերորդ անգամ նվաճեց Ֆրանսիայի սուպերգավաթը: Ընդ որում փարիզեցիներն այդ տիտղոսը նվաճում են երրորդ տարին անընդմեջ:
Պատրաստեց Անի Գաբուզյանը
