Վրաստանը միացել է Ռուսաստանի դեմ ԵՄ պատժամիջոցներին
Վրաստանը միացել է Ռուսաստանի դեմ ԵՄ պատժամիջոցներին: Այս մասին նշված է «Ղրիմի և Սևաստոպոլի շուրջ ստեղծված իրավիճակի պատճառով սահմանափակող միջոցառումներին միանալու մասին» Եվրահանձնաժողովի հայտարարությունում:
Հունիսի 29-ին հայտնի է դարձել, որ Ռուսաստանի դեմ Եվրամիության տնտեսական պատժամիջոցների երկարաձգմանը միացել է ևս 6 երկիր՝ Չեռնոգորիան, Ալբանիան, Իսլանդիան, Լիխտենշտեյնը, Նորվեգիան ու Ուկրաինան, հայտնում է Gazeta.ru-ն:
«ԵՄ անդամակցության թեկնածու երկրներ Չեռնոգորիան և Ալբանիան, ինչպես նաև Ազատ առևտրի եվրոպական ասոցիացիաի անդամներ Իսլանդիան, Լիխտենշտեյնը և Նորվեգիան, Եվրոպական տնտեսական գոտու անդամները, ինչպես նաև Ուկրաինան ու Վրաստանը միացել են այդ հայտարարությանը»,- նշված է հաղորդագրության մեջ:
