Լիբանանի մայրաքաղաքը մեծ աղբանոցի է վերածվել
Լիբանանի մայրաքաղաք Բեյրութի հարյուրավոր բնակիչներ բողոքի ակցիայի են դուրս եկել՝ քաղաքային իշխանություններից պահանջելով Բեյրութի փողոցները մաքրել կուտակված աղբից, հայտնում է Euronews-ը:
Երկրի մայրաքաղաքում ու արվարձաններում աղբակույտերը գոյացել են հուլիսի 17-ից, երբ ավարտվել է Sukleen աղբատար ընկերության ու պետության հետ կնքված պայմանագրի ժամկետը:
Աղբը քաղաքի փողոցներում կուտակվել է, քանի որ քաղաքական գործիչները ոչ մի կերպ չեն կարողանում պայմանավորվել այն բանի վերաբերյալ, թե ուր տեղափոխեն քաղաքային թափոնները:
Փտող աղբի հետևանքով առաջացել է վարակների տարածման ռիսկ: Որպեսզի ապահովագրեն իրենք, քաղաքացիները սկսել են այրել աղբը ու կրել բժշկական դիմակներ:
