Բաշար Ասադը համընդհանուր համաներում է հայտարարել
Սիրիայի նախագահ Բաշար Ասադը համընդհանուր համաներում է հայտարարել, որը տարածվում է նախկին դասալիք զինվորականների, ինչպես նաև զորակոչից խուսափած քաղաքացիների վրա, հայտնում է BBC-ի ռուսական ծառայությունը:
Հրամանում, որը հեռարձակվել է Սիրիայի պետական հեռուստատեսությամբ, ասվում է, որ համաներման օրենքը տարածվում է նրանց վրա, ովքեր լքել են երկիրը:
Սիրիայի բանակը արդեն 4 տարի պատերազմում է մի քանի ճակատով՝ պայքարելով ինչպես իսլամիստ զինյալների, այնպես էլ ԴԱԻՇ-ի գրոհայինների դեմ:
Բազմաթիվ երիտասարդներ հեռացել են երկրից, որպեսզի չծառայեն բանակում:
